Necə səni sevirəm, bir bilsən...
Hər gün necə həvəsin olmasa da yaşamağa. cəhd etməyin,
Sənə ən çox əzab verən insanlar haqda düşünmək və onların yaxşı olduğu xəbərini almaq cəhdin...
Bu günü necə keçirəcəm qayğısı ilə eyni zamanda işığını qorumaq...
Hamıdan fərqli olduğun üçün onlardan aldığın təriflər sənin üçün boğazına dolanan kəndir olsa da verdiyin sevinc
Bədənin və ruhundakı olduöun yerdən aldığın yara izləri,
Cəhdlərin, inamların, zərbələrin, qorxuların, yuxuların...
Onların səni birşey adlandırmaq cəhdləri, sənin bu qəliblərə bəzən girmək istəyin
Yanağından süzülən göz yaşını güzgü önündə silib "Mən heç vaxt təslim olmayacam" deməyin
Elə ilk dəfə 4 yaşında dediyin kimidir.
4 yaşında uşaq özünə bunu niyə desin ki?
Amma sən demisən!
Yenə də deyirsən.
O vaxtla indiki sən arasında bircə fərq var - sənin artıq özünə də yazığın gəlmir.
Səni yüksəldəcəm - son damla qanıma qədər, beynimdəki son neyrona qədər səni qoruyacam.
Hər hüceyrəni sevəcəm, son nəfəsə qədər.
No comments:
Post a Comment